11.9 сая төл хүлээн аваад байна
Өчигдрийн байдлаар мал төллөлт ид явагдаж, нийт эх малын 50.3 хувь буюу 12.1 сая эх мал төллөж, 11.9 сая төл хүлээн аваад байна.
Төлийн тоо өмнөх долоо хоногоос 1.9 саяар нэмэгдсэн байна. Үүнээс
34. мянган ботго,
103.2 мянган унага,
309.9 мянган тугал,
6.2 сая хурга,
5.2 сая ишиг бойжиж, төл бойжилт 92.7 хувьтай байна гэж Хүнс хөдөө аж ахуйн яамны Мал аж ахуйн бодлогын хэрэгжилтийг зохицуулах газрын ахлах мэргэжилтэн Б.Мэнджаргал мэдээллээ.
Харин малын хорогдол 931.4 мянга болж өмнөх долоо хоногоос 27.0 мянгаар нэмэгдсэн байна. Үүнээс:
тэмээ 325,
адуу 34.2,
үхэр 90.5,
хонь 334.6,
ямаа 471.7 мянга буюу оны эхний нийт малын 1.7 хувийг эзэлж байна.
Хамгийн их хорогдолтой аймагт Сүхбаатар, Увс, Архангай, Завхан, Баянхонгор аймгууд багтаж байна. Энэ нь оны эхний нийт малын 2.3-5.4 хувийг эзэлж байгаа юм.
Ойрын өдрүүдэд цаг агаар тогтворгүй, салхи шуурга ихтэй байгаа ч малын зүй хорогдлоос бусад хохирол гарсан мэдээ одоогоор ОБЕГ болон яамны Шуурхай штабт ирээгүй байна.
Эх сурвалж: www.mminfo.mn
