Хэзээ ч моодноос гардаггүй нүүр будалт
Гайхалтай байгаа биз. Юм бүхэн хуучирч, шинэ зүйлүүд хүч түрэн орж ирдэг жамыг Smoky eye будалт эвдээд байгаа юм даа. Smoky Eye буюу утаатай мэт ууссан нүдний гүн будалт ямарч орны ямарч насны бүсгүйчүүдийн харцыг хурц ялдам болгодог увидсаараа бүсгүйчүүдийн хайртай будалт байсаар байна.
Хоёр болон түүнээс дээш өнгийг хөвсгөрхөн холигч багсны тусламжтайгаар хүссэн хэлбэрээ гаргаж будах нь Монгол бүсгүйчүүдийн бас нэгэн үдшийн гоё будалт болоод удаж байгаа билээ. Smoky eye ийг өөрийн дүр төрхөө болгон олонд таниулж чадсан од бол Kim Kardashian. Тэр бол дэлхийн хамгийн шилдэг Smoky Eyeчин...
Классик Smoky Eye будалт хийх заавар
Нүдний угаас давхраагаа давж харагдахаар хамгийн гүн өнгөөрөө хэлбэр гаргаж будна.
Гаргасан хэлбэрийнхээ гадна заагаар бага зэрэг ууссан цайвар өнгөөр уусгаж жигд болгоно.
Нүдний доогуур мөн өнгөөрөө тодруулж будна.
Үндсэн хэлбэр гаргасан өнгөнөөсөө нилээд цайвар буюу 3 дахь цайвар өнгөөр заагийг нь холигч багсаар маш сайн уусгаж өгнө.
Нүдний хүрээлэгчээ хэлбэрийн дагуу тавьж өгнө.
Сормуусаа будна.
