Би чинийхээ, чинийх
Уйлуулвал нулимс минь чинийх
Уурлуулвал ааш минь чинийх
Хайрлавал тавилан минь чинийх
Хагацвал сүнс минь чинийх
Би чинийхээ, чинийх
Үнсвэл хүзүү минь чинийх
Үнэртвэл шанх минь чинийх
Үржвэл үргэлжлэл минь чинийх
Үхвэл дурсамж минь чинийх
Би чинийхээ, чинийх
Хуруун дахь бөгж минь чинийх
Хувцсан дахь үнэр минь чинийх
Хундган дахь шим минь чинийх
Хувцасгүй ч бие минь чинийх
Би чинийхээ, чинийх
Зүрхэн дэх хайр минь чинийх
Зүсэн дэх гэрэл минь чинийх
Зүүсгэл гоёл минь чинийх
Зүггүй инээд минь чинийх
Би чинийхээ, чинийх
Ээнэгшин дасах бодол минь чинийх
Ээлжлэн солигдох өнгө минь чинийх
Эрхлэн нялхрах сэтгэл минь чинийх
Эцэслэх ганц амьдрал минь чинийх
Би чинийхээ, чинийх
Энхрийлэн хүсэх эх минь чинийх
Эвийлэн бөөцийлөх адаг минь чинийх
Эргэж хорогдох цагууд минь чинийх
Эгшин зуурын зүүд минь чинийх
Би чинийхээ, чинийх
Эргэлзэх шалтаггүй итгэл минь чинийх
Эмзэглэх хөндүүргүй элэг минь чинийх
Гэмших нүгэлтэй ч нас минь чинийх
Гэтлэх зовлонтой ч ертөнц минь чинийх
Би чинийхээ, чинийх
Б.МӨНХ-ОРГИЛ
2017.08.04-нд
