Е.Төгстөмөр Дэлхийн шатрын холбооны чансаагаа нэмэгдүүлэв
Унгарын нийслэл Будапешт хотноо сар бүрийн эхний бямба гаригт уламжлал болон зохиогддог Дэлхийн шатрын холбооны рейтинг тооцох "First Saturday" тэмцээн энэ сарын 2-13-ны хооронд болж өндөрлөлөө.
Энэхүү тэмцээнд манай улсын өсвөрийн шилдэг тамирчин Азийн аварга, Дэлхийн сурагчдын аварга, Дэлхийн аваргын мөнгөн медальт, “Чингис майнинг” группын тамирчин Е.Төгстөмөр (ELO 1804) FM-A ангилалд амжилттай оролцож, 9 өргөөс хожигдолгүйгээр 7,5 оноогоор нутгийн тамирчин Марта Доминик (ELO 2109)–тэй оноо тэнцэж тэргүүн байрыг хуваан эзэлсэн байна. Тэмцээний туршид Е.Төгстөмөр өөрөөсөө нас болон чансаа өндөртэй 9 тамирчинтай ээлж дараалан тоглож, гол өрсөлдөгч Марта Доминикийг илт илүүрхэн хожсоны гадна (https://hunonchess.com/first-saturday-may-2015-chess-tournament-series-for-gm-im-norms-and-for-standard-elo-rating-points-may-2015/) өөрийн Дэлхийн шатрын холбооны чансаагаа 214,2 пунктээр нэмэгдүүлж чаджээ.
