11.21

Монголын Олимпийн Таеквондочид шинэ удирдлагатай болно

Монголын Олимпийн Таеквондогийн холбоо 2018 оны 11 сарын 24нд ээлжит бус их хурлаа товложээ. Уг их хуралаар таеквондочид шинэ дүрэмээ батлан, шинэ удирдлага сонгоно. Өмнөх ерөнхийлөгч Д.Энхбат нь ажлын хариуцлага алдсаны улмаас 2018 оны 10 сарын  17нд ёс зүйн хариуцлага хүлээн өөрийн хүсэлтээр ажлаа хүлээлгэн өгсөн байна. Тэрээр 2006 оноос 2018 оныг хүртэл Монголын Таеквондогийн холбооны ерөнхийлөгчөөр ажилласан. Ийнхүү Монголын Таеквондочид 12 жилийн дараа ээлжит бус Их хурлаа товлон шинэ удирдлагаа сонгохоор болсон байна.