Төмрийн салбарт анхаарлаа хандуулна

Сар бүрийн дөрөв дэх долоо хоногийн лхагва гаригт Уул уурхайн яам “Ил тод уул уурхай” хэвлэлийн бага хурал зохион байгуулдаг.

Энэ удаагийн хурлаар олон нийтийн анхаарлын төвд байгаа чухал асуудлуудаар мэдээлэл хийлээ.

Дэлхийн зах зээлд төмрийн хүдэр, баяжмалын үнэ унасан нь Дарханы төмөртэйн уурхайн хувьд хүндээр тусч, цаашлаад экспортын орлогод тодорхой нөлөө үзүүлж байгаа аж. Тиймээс төмрийн хүдрийн уурхайнууд нэгдсэн бодлогоор үнээ унагахгүй борлуулалт хийх нь чухал юм байна. Ингэхдээ Эрдэс баялгийн бирж байгуулах шаардлагатай гэнэ, одоогийн байдлаар тус яам энэ асуудлыг судалж, хуулийн төсөл боловсруулах үүрэг бүхий ажлын хэсэг ажиллаж байгаа тухай Уул уурхайн сайд энэхүү мэдээллийн үеэр онцоллоо.