Г.Буяндорж нарыг шүүх хурал эхлэв

“Ноёд” группын ерөнхийлөгч Г.Буяндорж, түүний ах Г.Дамдиндорж болон Д.Батжаргал, С.Баттулга, Ч.Ууганбаяр нарыг шүүх хурал өнөөдөр Дүүргийн Эрүүгийн хэргийн анхан шатны шүүхэд эхлээд байна. Тэднийг өмнө нь буюу энэ сарын 04-нд шүүх ёстой байсан ч Г.Дамдиндоржийн өмгөөлөгчийн хурал давхардсан гэсэн шалтгаанаар өнөөдрийг хүртэл хойшлуулаад байсан юм.

Тэднийг Эрүүгийн хуулийн 253.1-д зааснаар буюу шүүхэд хуурамч бичиг баримт бүрдүүлэн оролцсон, бусдыг онц хүнд гэмт хэрэгт холбогдуулан яллуулахаар гүтгэснээс гадна хүнд хор уршиг учруулсан хэрэгт буруутган ийнхүү шүүж байгаа юм.