С.Саранцацралтад хөгжингүй сүнстэй эрчүүд таалагддаг
Нэрт зураач С.Саранцацралтыг энэ он цагт амьдарч байгаа бас нэг өвөрмөц дүр төрх, ертөнц гэдэг. Түүний үзэл бодол, ааш араншин гадаад төрх, өөрийгөө илэрхийлэх, амьдралд хандах хандлага нь чухамдаа зураачид л ийм байдаг болов уу гэмээр тийм нийтлэг бус. Зуугийн талыг насалсан гэхэд нүүрэндээ нэг ч үрчлээгүй бас нэг ч косметикгүй, илүүдэл жингүй, хоёр охиноосоо үл ялгарах гоо үзэсгэлэн зураач бүсгүйг тодорхойлно.
Этгээд өвөрмөц ертөнцийг бий болгосон тэрбээр их энгийн амьдрах дуртай нэгэн. Тиймдээ ч өөрөө хувцасныхаа загварыг гаргаж оёно, урлана. Монголынхоо хамгийн хямдхан тосыг нүүрэндээ түрхдэг гэх мэтээр их энгийн амьдарч, урландаа тухлах дуртай зураач бүсгүйд “Хөгжингүй сүнстэй эрчүүд таалагддаг. Нөхрийгөө харддаггүй, нэг удаа ч түрүүвчийг нь онгойлгож үзээгүй, гар утас мэйлийг нь шалгаж байгаагүй” гэж нэгэн ярилцлагадаа тэрбээр ярьжээ.
