Нүүрээ будах дургүй хөтлөгч бүсгүй
“Монгол тулгатны 100 эрхэм” нэвтрүүлэг үзэгчдийн хүртээл болсон цагаасаа хойш магтаал, зэмлэл хоёрыг харамгүй хүртэж байгаа. Тэр дундаа тус нэвтрүүлгийн хөтлөгч Анужин олны танил болж гишгэсэн мөр, хэлсэн үг, хийсэн үйлдэл бүр нь шахам анхааралд өртдөг сенсацитай “од”-дын тоонд багтах болсон. Элдэв маяггүй, энгийн үгээр хүүрнэх түүнийг магтах нэгэн байхад хүний нөхөр булаасан хэмээн чичлэх хүмүүс ч цөөнгүй. Энгийн хэрнээ чамин хувцаслалтаараа зарим бүсгүйчүүдийн үлгэр дуурайлал болоод байгаа Анужин нүүрээ будах тун дургүй гэнэ. Тэрээр нэвтрүүлэгт орохдоо оо энгэсэг түрхэж, үс гэзгээ янзлуулдаггүй аж. Энэ тухайгаа “Би угаасаа нүүрээ будаж мэддэггүй. Арьс гоё бол нүүрээ будах хэрэггүй байх. Өчнөөн нэвтрүүлэгт будаггүй байчихаад одоо будах нь ч хаашаа юм” хэмээн ярьжээ.
