Картаа авахгүй бол ирэх сараас 1000 төгрөгөөр зорчуулна
Нийтийн тээврийнхэн парк шинэчлэл хийж, ухаалаг цахим картыг, угсраа автобусыг үйлчилгээнд гаргаад бараг сарын нүүр үзэх гэж байна. Тэгвэл зорчигчдын хувьд энэ ухаалаг цахим картаа авахгүй, ихэвчлэн бутархай мөнгө төлж яваад байгааг нэг мөр цэгцлэн зорчигчдыг бүгдийг нь карттай болгох талаар төлөвлөгөө боловсруулсан аж. Түүнээс гадна иргэдийг картаа авахгүй бол ирэх сарын 01-нээс эхлэн 1000 төгрөгөөр зорчуулна гэсэн мэдээлэл гарсан ч энэ нь судлагдаж байгаа гэдгийг албаныхан хэлсэн юм.
Тухайлбал, нийтийн тээвэрт цахим төлбөрийн систем нэвтрүүлж эхэлснээр өнөөдрийн байдлаар 250 мянга орчим иргэд картаар үйлчлүүлж байгаа бөгөөд нийслэлийн хэмжээнд 750 мянган иргэнд цахим карт борлуулахаар тооцоод байгаа юм байна. Тиймээс цахим карт худалдаж авч амжаагүй иргэдэд 09 дүгээр сарын 01-нээс өмнө картаа авахыг уриаллаа.
Хэрэв ирэх сарын нэгнээс хойш бэлэн мөнгөөр зорчих бол 1000 төгрөг төлнө гэдгийг албаныхан санууулав.
