Мадонна аялан тоглолтоо эхлүүллээ

Дуучин Мадонна дэлхийг тойрсон арав дахь аялан тоглолтоо Монреал хотоос өнгөрсөн лхагва гаригт эхлүүлжээ. Тэрбээр аялан тоглолтынхоо хүрээнд Хойд Америк, Европ, Австрали, Азийн 70 хотод тоглох юм байна. “Rebel heart” аялан тоглолтод дуучин Мадоннагийн өмсөх хувцасны загвар олны анхаарлыг татах болжээ. Учир нь, Мадоннагийн хувцсыг Миучча Прада, Александр Ванг, Алессандро Микеле, Николя Жебран, Жереми Скотт зэрэг шилдэг дизайнерууд хариуцан ажиллажээ. Мадоннагийн “Re- bel heart” аялан тоглолт 2016 оны гуравдугаар сарын 27-нд Австралийн Брисбен хотод өндөрлөх юм байна.