Шинэ сургууль цэцэрлэгийн цогцолбор баригдаж байна

Хан уул дүүргийн 15-р хороонд шинэ бага сургууль, цэцэрлэгийн цогцолбор баригдаж байна. Барилга угсралтын ажил дуусч, одоо гадна инженерийн шугам сулжээний /гадна дулаан, цэвэр болон бохир ус, цахилгаан, холбооны/ ажлыг хийж байгаа аж. Тус барилгыг Нийслэлийн боловсролын газрын захиалгаар Нийслэлийн хөрөнгө оруулалтын газар гүйцэтгэж, барилгыг “Шилээд” ХХК барьж буй юм.

Хан-Уул дүүргийн 15-р хороонд ерөнхий боловсролын ганц л сургууль бий. Цэцэрлэгийн насны 1200 хүүхэдтэй тус хороонд улсын цэцэрлэг байдаггүй. Хувийн хэд хэдэн цэцэрлэг үйл ажиллагаагаа явуулдаг бөгөөд шинээр барьж буй барилга нь 120 хүүхдийн багтаамжтай цэцэрлэг, 180 хүүхдийн суудалтай бага сургууль юм байна.