Төв цэвэрлэх байгууламжийн засварыг ирэх есдүгээр сард дуусгана

Улаанбаатар хотын айл өрх, аж ахуйн нэгжүүдийн бохирыг хүлээн авч, цэвэршүүлдэг Төв цэвэрлэх байгууламжийн үнэр дийлдэхээ больсон. Шинэчлэлгүй 52 жил болсон тул тоног төхөөрөмж нь хуучирч, элэгдэн доголдох болсон. Тиймээс өнгөрсөн хавраас асуудлыг Засгийн газрын түвшинд ярьж, түүхэндээ анх удаа, дорвитой засаж, шинэчлэхээр болж, багагүй хөрөнгө ч зарж байгаа. Төв цэвэрлэх байгууламжийн засвар өдгөө үргэлжилж буй бөгөөд ирэх есдүгээр сард дуусгана гэж Ус сувгийн удирдах газраас мэдээллээ.