Ц.Бавуудорж : Сарны туяагаар бичсэн тэмдэглэл

Орчлонгийн сайханыг хайранд гэдэг юм
Хайранд гэдгийг нь амссан хүний
Харц нь нэг л гэрэлтэй гэдэг юм
Харц чинь тийм л гэрэлтэй яваасай

Амрагын сайхныг нууцханд гэдэг
Нууцханд гэдгийг нь мэдсэн хүний
Нулимс нь нэг л гэрэлтэй гэдэг юм
Нулимс чинь тийм л гэрэлтэй яваасай

Сарны сайхныг уяханд гэдэг
Уяханд гэдгийг нь таньсан хүний
Уруул нь нэг л гэрэлтэй гэдэг юм
Уруул чинь тийм л гэрэлтэй яваасай

Үнсэлтийн сайхныг зүүд гэдэг
Зүүд гэдгийг нь мэдэрсэн хүний
Зүрх нь нэг л гэрэлтэй гэдэг юм
Зүрх чинь тийм л гэрэлтэй яваасай...

сонирхолтой мэдээ

Зохиогчийн эрх хуулиар хамгаалагдсан.

Мэдээлэл хуулбарлах хориотой.