Би чиний дэргэдээс холдож одоо үл чадна

Зүүдээ сөхвөөс чи л үзэгдэнэ

Зүсэр борооны дараах солонго
Инээмсэглэлээ тэмтэрвэл чи л баригдана
Ирэх өглөөний хурцхан нар

Гунигаа юүлэхдээ чамайг л санан
Гуниг үргээх бодлын цагаан үүл
Нулимс задрахад чамайг хайна
Ганцаардал бутраах цэцгэн хур

Бүх л биеэр минь нэвчих хүслэнт дуслууд
Бүдэг бадагханыг дүүргэх шуналт цутгалан
Мөч хоромд ч бараа тасраагүй
Мөр нь үл арилах сэтгэлийн дөлт уулс

Чи миний дотор нүүж ирсэн ....
Би чиний дэргэдээс холдож одоо үл чадна.

Х.ДУЛАМСҮРЭН

сонирхолтой мэдээ

Зохиогчийн эрх хуулиар хамгаалагдсан.

Мэдээлэл хуулбарлах хориотой.