Боксчин бүсгүй Playboy-ийг чимэв

Германы Playboy сэтгүүлийн шинэ дугаарын хавтсыг Дэлхийн аварга, боксын түүхэнд хамгийн их амжилттай хэмээн бичигдсэн 38 настай тамирчин Регина Хальмих чимэглэсэн аж.

Регина анх кикбоксоор хичээллэж эхэлжээ. 16-18 насандаа тэрбээр Германы сонирхогчдын дундах аварга болоод зогсохгүй Европын аварга болж байлаа.

Харин 18 насандаа бокс руу урвасан бөгөөд өөрийн төрөлх хот Карлсруэд 1994 оны гуравдугаар сарын 04-ний өдөр анх рингэн дээр гарчээ. Тэрхүү тоглолтод тэрбээр ялалт байгуулсан юм. Түүнээс хойш 53 ялалт байгуулсны 16-г нь хүнд цохилтоор дуусгасан аж. Энэ бүх хугацаанд Регина ердөө ганцхан удаа ялагдаж, нэг удаа хайнцсан байна.

Түүнээс гадна Регина фотомоделийн хувиар зургаа авахуулдаг бөгөөд Германы сэтгүүлүүд, сайтуудыг чимэглэдэг гэнэ.