Нэгэн үе Монголын Скаутын холбоог үүс­гэн байгуулж, айлын бяц­хан үрсээр хөөрхөн биз­нес хийж явсан МСХ-ны Ерөн­хийлөгч М.Есөн­мөнхийг өнөөдөр Монголд таних­гүй, мэдэхгүй хүн ба­раг үгүй биз ээ. Тэрбээр Москвад Комсомолын дээд сургуулийг одоо­гийн Ерөнхий сайд Ч.Сайханбилэг, түүний найз С.Баярцогт нарын хамт дүүргэжээ. Чингээд зог­­солгүй тэдэнтэй дотно нө­хөрлөж, ялангуяа одоо­гийн ЗГХЭГ-ын дарга С.Баярцогтын бизнесийг зо­хи­цуулагч нэгэн болов.

Энэ бүхэн ахархан хуга­цаанд Монгол байтугай Орос, Хятадын зарим нэг хотод байгуулагдсан Но­мадсын сүлжээ рес­торанууд, Hotel Nine зочид буудлын сүлжээ, Номадс катерингийн үйл­чилгээ зэргээс тодхон ха­­раг­дана. Зүгээр нэг биз­нес сэтгэлгээтэй аавын хүү баруун, солгойгүй аз нь шовойсон нэгэн шиг аашилна гэдэг Монголд бол бүтэхгүй зүйл.

Ха­рин М.Есөнмөнхийн үйлчил­гээний бизнес дэх энэ­хүү гялалзсан амжилт нь шуудхан түүний нууц ноён­тон болох С.Баярцогт­той хол­боотой ажээ. Зөвхөн Номадс катерингийн үйл­чил­гээ нь л гэхэд Оюутолгой­гоос өдөр бүр өчнөөн олон арван мянган ам.долларын ашгийг олж байна гэж бо­дохоор хэр зэрэг мөнгө хийж байгаа нь түвэггүйхэн ойлгогдоно.
   
Тэрбээр сонгууль бол­­могц хайрт найз С.Баярцогтыгоо дагаж ерөн­хий менежерийн үүр­гээ гүйцэтгэж, тэр ч бүү хэл Номадсын ажилтнуудаа хө­дөө гадаагүй цөлж, сон­гуулийн сурталчилгаанд нь ажиллуулсаар иржээ. Нэг нь улс төрөө, нөгөө нь биз­несээ дааж ирсэн багын хоёр анд эцэс сүүлдээ хэтэвч нэгтэй болж, өдрөөс өдөрт үйл ажиллагааныхаа цар хүрээг өргөжүүлсээр байна. М.Есөнмөнхийн хувьд Монголын Тогоочдын Холбооны ерөнхийлөгч болж, хөөрхий муу скаутуу­даа ор тас март­сан нь түүний эрхэлж буй биз­нес­тэй холбоотой юм. Нэ­гэнтээ шилдэг тогоочдын ар­мийг толгойлж буйн хувьд өөрийнхөө хоолны сүл­жээ газруудыг сайн то­гоочоор хангах асуудлыг тэр­бээр түвэггүйхэн шийд­эж чадсан нь түүний тол­гой хэр зэрэг ажиллаж буйг харуулна. Нөгөө­тэй­гүүр, М.Есөнмөнхийн Монголын үйлчилгээний салбарт оруулж байгаа гавьяаг үнэ­лэх нь зүйтэй мэт санаг­дана.
  
Тэрбээр санаачилсан ажлаа гардан гүйцэтгэх тал дээр гарамгай нэгэн агаад ажилчдадаа ч мөн өндөр шаардлага тавьдаг юм. Харамсалтай нь, сайны хажуу­гаар саар гэгчээр М.Есөнмөнхийн аж­лын байран дээрх хү­чир­хийллийн талаар жи­рийн үйлчлүүлэгчид яахин мэдэх билээ дээ. Тэр­бээр өөрийнхөө удирд­лагад ажил­лаж буй мене­жерүүдээс авахуулаад цэ­вэр­лэгчийг хүртэл зад загнах нь бүү хэл уур нь хүр­сэн үедээ үсэртэл нь алгадаж, цохиж, занчиж, эл­дэв хараалын үг урсгах нь энүүхэнд байдаг гэнэ. Энэ бүхнийг даван туул­сан “зовлон нэгтүүд” бо­ломжийн ажлаасаа халагд­чихгүйн тулд аанай л нэг захирлынхаа эвийг нь олж өдөр хоногийг өнгө­рөөдөг ажээ. Харахад дөлгөөхөн түү­ний хувьд ажлын ха­риуц­­лага тооцохоосоо илүү хувийн шинжтэй арга хэм­­жээ авч албатуудаа номх­руулдаг талаар салбар сал­барын менежерүүд нь ам уралдан ярьсаар байна.