Т.Цогт, Г.Маралмаа нарыг шүүх хурал үргэлжилж байна
Дөрөвхөн настай охиныг зодож хөнөөсөн хэрэгт буруутгагдаад буй талийгаач охины хойд эх Г.Маралмаа, хэргийг нуун дарагдуулсан хэмээн буруутгагдсан талийгаач охины төрсөн эцэг Т.Цогт нарыг шүүх хурал ШШГЕГ-ын харьяа цагдан хорих 461 дүгээр ангид болж байна.
Хурал Дүүргийн Эрүүгийн хэргийн анхан шатны нэгдүгээр шүүхэд болох байсан ч Г.Маралмаагийн биеийн байдал тааруу байгаа учир ийнхүү цагдан хорих ангийн шүүх танхимд болох юм. Өмнөх шүүх хурал энэ сарын 3-нд болох байсан ч шүүгдэгч Г.Маралмаа алдаж унан, түргэн тусламжаар эмнэлэгт хүргэгдсэн юм. Тиймээс шүүх хурлыг 14 хоногоор хойшлуулаад байсан билээ.
Тэгвэл өнөөдөр мөн л шүүгчдэгч Г.Маралмаагийн бие муудаж шүүх түр завсарлаад эргэж орлоо. Шүүх бүрэлдэхүүн энэ удаа шүүх хурлыг хойшлуулахгүй гэж мэдэгдсэн юм. Одоогоор шүүх хурал үргэлжилж байна.
