Талийгаач охины үхлийн шалтгааныг эцэслэн тогтоолоо

Энэ сарын 21-ний өдөр дөрөвхөн настай бяцхан охин төрсөн эцэг, хойд эхийн хүчирхийллийн улмаас нас барсан харамсалтай хэрэг гарч, нийгмийг цочроосон билээ. Шүүхийн шинжилгээний үндэсний хүрээлэнгээс талийгаач охины үхлийн шалтгааныг эцэслэн тогтоосон байна. Эх сурвалжийн мэдээлж буйгаар охин уушигны бяцралт, тархины цус хуралтын улмаас амь насаа алдсан болохыг тогтоожээ. Одоогоор сэжигтнүүдийг Цагдан хорих 461 дүгээр ангид саатуулан хорьж мөрдөн байцаалтын ажиллагаа үргэлжилж байгаа юм.