Сэтгэцийн өвчтэй эмэгтэй жорлонд унажээ

Нийслэлийн Сонгинохайрхан дүүргийн 20 дугаар хороо, Хөөсөнцөрийн үйлдвэрийн баруун талд тогтоол усанд хүн живлээ гэх дуудлагын дагуу Аврах ангийн зургаан алба хаагч шуурхай ажиллаж, 14 настай З-ийн цогцсыг гарган авч цагдаагийн байгууллагад хүлээлгэж өгсөн байна.

Мөн тус дүүргийн 6 дугаар хороо, Тоосгоны 27 дугаар гудамжийн 4 тоотод 27 настай иргэн А нь дөрвөн метрийн гүнтэй жорлонгийн нүхэнд унасан гэх дуудлага Онцгой байдлын тусгай дугаарт иржээ. Үүний дагуу НОБГ-ын Аврах ангийн долоон алба хаагч шуурхай ажиллаж, сэтгэцийн өвчтэй иргэн А-г гаргаж, ар гэрийнхэнд нь хүлээлгэн өгчээ.