Машины дугаарыг тэгш сондгойгоор ангилж хөдөлгөөнд оруулна

Энэ сарын сүүлийн хоёр долоо хоногийн амралтын өдрүүдэд автомашины улсын дугаарыг тэгш, сондгойгоор хязгаарлан замын хөдөлгөөнд оролцуулахаар болсныг нийслэлийн Замын цагдаагийн газрын дарга, цагдаагийн хурандаа Ч.Жаргалсайхан мэдээллээ.

Өөрөөр хэлбэл, наймдугаар сарын 22, 29-нд тэгш дугаараар төгссөн тээврийн хэрэгслүүд, 23, 30-нд сондгой дугаараар төгссөн тээврийн хэрэгслүүд замын хөдөлгөөнд оролцох юм байна.

Хичээлийн шинэ жил эхлэхтэй холбогдуулан замын хөдөлгөөний ачааллыг бууруулах үүднээс энэ зохицуулалтыг хийж байгаа байгаа бөгөөд дугаарын хязгаарлалтыг бүрмөсөн цуцлах үгүйг иргэдээс санал асуулга авч шийдэхээр болжээ.