“Алтайн Хүдэр” компанийг шалгана

Говь-Алтай аймгийн Цээл сумын Таян нуурын уурхайд төмрийн хүдэр олборлогч “Алтайн хүдэр” компанид оруулсан хөрөнгөө хянах гэж Европын сэргээн босголтын банк шалгалт оруулахаар болжээ. Уг уурхайн үйл ажиллагаанаас болж байгаль орчин сүйдэж, нүүдлийн мал аж ахуйг эрхлэх боломжгүй болсон талаар уул, уурхайн ТББ-ын төлөөллүүд компанийн хөрөнгө оруулагч Европын сэргээн босголтын банкинд гомдол гаргаад байсан юм.

Тэгвэл банкнаас гомдлын хариуг саяхан ирүүлжээ. Энэ талаар “Оюутолгойн хяналт” ТББ-ын тэргүүн Д.Сүхгэрэл "Алтайн хүдэр"-т зээл олгох шийдвэр гаргахдаа банк өөрөө дотоод дүрэм журмаа зөрчсөн эсэх, буруу үйл ажиллагаатай компанид хөрөнгө оруулсан эсэхэд шалгалт оруулахаар болсноо мэдэгдсэн” гэв.