АСЕМ-ийн уулзалтыг угтан монголд визгүй зорчих 42 орны эрхийг цуцалжээ
Өнгөрөгч 2014 онд Засгийн газраас манай улсад визгүй зорчих 42 орны жагсаалтыг батсан. Гэвч энэ сарын 1-нээс доорх 42 орны иргэд манай улсад визгүй зорчих эрхийг цуцлаад байна. Энэ нь ирэх долоодугаар сард манай улсад болох АСЕМ-ын дээд хэмжээний уулзалттай холбоотой юм. Тодруулбал, тус уулзалтын үеэр визгүй зорчиж ирсэн гадаадын иргэд ямар нэг гэмт халдлага гаргахаас урьдчилан сэргийлж байгаа аж.
Одоогоор хэдэн сар хүртэл энэхүү эрхийг цуцалсан нь тодорхойгүй байгаа бөгөөд АСЕМ-ын дээд хэмжээний уулзалтын дараа эсвэл оны төгсгөлд уг 42 орны иргэдийн визгүй зорчих иргэдийн эрхийг сэргээх нь Засгийн газрын бүрэн эрхийн асуудал юм.
Нэмж мэдээлэхэд, АСЕМ-ын дээд хэмжээний уулзалтад дэлхийн 51 орны 4000 гаруй төр засгийн төлөөлөгч оролцоно хэмээн тооцож байгаа юм.
Эх сурвалж:DNN
